نظراتك حبيبي بكلبي بسمار
افرشلك طريقك ورد بس مر
ولومريت جدمي لزك بسمر
جن ثكلت عليه الجاذبية
__________________________________
كلي شبقى من العمر واشتم
اكطع من خدودك ورد واشتم
مرخض سبني كلما ردت اشتم
شتايمكم ثواب لوالديه
__________________________________
يجي يوم واعتذر منك وردليك
وازرع الكلب يسمر وردليك
اشماطال الدرب ارجع وردليك
واجيب الروح لعيونك هدية
__________________________________
وانت راسي.......
سهول الناي عندي وانت راسي
سفن غركت ببحري وانت راسي
حبيبي انت حياتي وتاج راسي
واعز منك ترى ماكو اليه
__________________________________
مامليته
قلبي بغير حبكم مامليته
وامل الناس كلهه ومامليته
وياليته يصير بابا وماما ليته
واحضنه كل صباح وكل مسيه
__________________________________
صار سنين من عشكي مسائل
ودمعي من نزل عنك مسائل
حبك من كتابه وحل مسائل
حبك بالدراسة الجامعية
___________________________________
سفن حبك بشواطئ الروح شرعن
وسهم حبك نبت بحشاي شرعن
ردت مذهب يحلل البوس شرعن
واذا ماكو ارد للجاهلية
*************************
الأحد أغسطس 24, 2008 6:29 pm
