طحت واباب هجرك ميت اني
واظل موسنه انتظرك ميه اتاني
خبر فكدك حبيبي من اتاني
حلم تعبان صرت بلا هويه
----------------------
علي ليلي بحزن وهموم منجن
صرت مثل الي وسط كبور منجن
حبيبي الراح مومن انس من جن
دخل عقلي وبقيت اصفك بديه
------------------------
دليلي بنار حبك دوم موضوع
وقضيتي وياك صارت صدك موضوع
تعب الي تعبته وياك ماضاع
اظل اءمل وصالك للمنيه
---------------------
ملازم حزن دهري لازماني
ولا صاحب فزعلي لازماني
صم من جمر بيدي لازم اني
حركني وماصحت محتركه اديه
----------------------
زماني ضلوع صدك يامرضلي
وحرن بعدك شداوي يامرض لي
جنت صوره بخيالك يو مرضلي
تظل ترجف رجف مابين ديه
-------------------------
ادك باب اليضدك واشتمنه
واشيل تراب جدمك واشتمنه
كوال اءمر حبيبي وشتمنه
حاضر لوردت روحي هديه
------------------------