أهديكم هذه المجموعة من الابوذيات
~~~~~~~~
ْْْْْْْْْْْْْْْْْْْْْْْْولك صه لاتكلي علمنصة
لكلمن عالمنصة علمنصة
تعرفه الخوش شاعر عالمنصة
يطك خشم السمه فوك الوطيه
ْ~~~~~~~~~~~~~~~~~~~
يغم وكتي عله حبلك منشراني
بعتني بسوك غدرك منشراني
اذا صاج انت جفك منشراني
وحك ربك اكطعه العال بيه
~~~~~~~~~~~~~~~~~
النوايب بيه جمعتهن مشابيك
وعلّي نشابهن يردف مشابيك
جتّالك فضل سوه مشابيك
انه لوحدي رحت جنّاز بيه
~~~~~~~~~~~~~~~~
علي مبرد زمانك وشراكه
وانا البايع الوادم وشراكه
كلتلي نصير واحد وشراكه
النفس ماله انكطع نفسك عليه
~~~~~~~~~~~~~~~
حرت ماكدّر العارف وشلباي
بسبب مجرى الدمع والدم وشلباي
صرت كلي جرح ينزف وشلباي
اشتبهت وخيطت جرحي عليه
~~~~~~~~~~~~~~~
روحي برشف خدك من عداها
احب وصلك وهابك من عداها
افراكك يوم احمله من عداها
ازورك لو تصير احزاب اليه
~~~~~~~~~~~~~~~
بره المسكوم من علته ....وناداي
وحركت اليابس بهجرك...وناداي
براس اربع طرق لكعد....وناداي
انه المظلوم وانت بدعت بيه
~~~~~~~~~~~~~~~
ذلولي عليك ناحل ......ما بغيره
وسليم الذات اوده ......ما بغيره
صديـجك لو لكيته ......ما بغيره
بجف ارماد بيعه لو تهيه
~~~~~~~~~~~~~~~
زماني ما نطه لروحي .....نفاها
ظلمهه وعن مواطنهه .....نفاها
السفاهه اهل المثل كالو....نفاها
انا اشما سفهت ناري سريه
~~~~~~~~~~~~~~~
سكاره احنه ابهوه شوكه......وصحنه
جره دمعي وجرح خدي......وصحنه
غركنه من الدمع صاحوا.....وصحنه
احتركنه وناركم عمت عليه
~~~~~~~~~~~~~~~
شنهو السبب يا مدلول .......مرضيت
وابزعلك اللب احشاي ......مرضيت
الك عاشك انه وانجان......مرضيت
فؤادي اللي غصبته رده ليه
الأحد أغسطس 24, 2008 7:35 pm
