اشـعل شـــموع لجــلج وعدهة
مـغــرم الــكلب مرحــلة وعدهة
وردة ويمـين علـي انـي وعدهة
ازكيج العشك من الصبح للمسية
عفيـتك يــا كـمر حــالي بسماي
ولك دمعي يــهل بـلعين بسماي
انمــزج اسـمي وســمك بسماي
ومشـة دمــي وية دمــك ســوية
الكمرضوة من وجــنك شعلة منك
وحسنك يـا حلو بلـخلق شعلة منك
بشوكي صارت روحي شعلة منك
تتوجر بس ينــذكر اســمك علــية
تعلمت رســـم حســنك وخـاطة
وثوب جمالك بروحي وخأطة
الكلب ذب دمك ودمي وخاطة
وخلـــة حــبك فرضـن عـــلية
هلكد ما نحبهم بدمع ننشد هم
وخل ننسة الالم وما ننشد.هم
خــلينة بــاكــة ورد ننشد هم
ونرجع الحبنة.الحبنة سوية
درج حسنك وكعـني هـواني
اصيح غركت بحبك هوة ني
ولهان بعشكك وحبك هواني
وضوكني سهر كل مسية
بعين الصبح ينظرني بشباك
وصيدنة مثل سمـاج بشباك
شـبابي ذبـل والكـلب بشباك
وما شفت مــنة. الــي جــية
حبيبي جروحك بيهة تنكت
وبيك اعرف زمانك تنكت
ارجع ياحلو الطبعك تنكت
وانسة اهمــوم الاســية
مغارة الوكت هواي الــة بيبان
ودورباب الفرج بس ما بي.بان
ادري مفتاح الـــــفرج الة بيبان
ولازم تـفـــرج بـــيـــوم الـــية
منقول ...............
الأحد أغسطس 24, 2008 8:13 pm
