رغم شحة وصالك ماشحنته
وحرت نصّاري نايل ماشحنته!
دخابر چا رصيدك ماشحنته؟
جبتهه ترمش من الجاهليه
,,,,,,,,,,,,,,,,,,,,,,,
قطار الهجر طوّح بالصفاره
خذاك وظل وجهنه بالصفار ه
گضيناهه الدراسه بالصفاره
كلما تغمز ألنه أطيح ميه
,,,,,,,,,,,,,,,,,,,,,,,
حله الجوري عله مودك من تحله
وكبر وياك وأينع منتحله
شتظن زيجك أركز من تحله؟
اغوش والثنين تصير ميه
,,,,,,,,,,,,,,,,,,,,,
سحگنه الدرب لجلك ونعمينه
وكفو من هيچ معشر ونعمينه
بعد مافاك زيجك ونعمينه
شمس طرگاعة الله شهالبليه