منتة والي
صرت لعروش وكتي منتة والي
وجثير احباب عبروا من توالي
يدهري شبيك صاير من توالي
فريسة بغابتك وذياب الية
********************
من هويتك
ابد مامال عودي من هويتك
عرفت كلشي يصاحب من هويتك
الطعن واضح وبارز من هويتك
مثل نهر وجرف وغدرت بية
امس باليل طيفي مر عداكم
وعلية الزاد صاير مر عداكم
حسافة الوكت هسة مر عداكم
تمنيت الجرة بيكم علية
**********************
من هجاني
صرت كلي لحياتك منهج اني
وحرف بكتاب كلبك من هجاني
شجنيت انة بمحبتك منهه جاني
اسهام وكل وكت تمطر علية