عجيب تبخل بجيه,,,ومره
وانه الحبك ضكت حلوه,,,ومرّه
مرّه تكلي احبنك,,,,,,,,ومرّه
تلم الناس وتشتم عليّه
عفينه ولاعرفنه اسباب .. شطاك
وعطشنه وماشربنه ماي .. شطاك
كلي الوهدناك اتخون .. شطاك ؟؟
وشخذ منك ثمن جرمك عليه
دموعي عليك غزر المطر * تنذر
وعلى موتـــي ذبيحه ولك * تنذر
حجاياتك سهام وعلــــــيّ * تنذر
ارجعهن عليك اصبـــر عليه
فلم جانت عشرتك ذيج تنعاد
ردت للناس اعيدك كيف تنعاد
علواه لو جروحي وياك تنعاد
المبينـــــــــــــات بالمليون بية
الحط كلبي واطحنه بجعب .. هاون
لفاني العوز يالخوان .. هاوين
حجيكم بالنفاهه صير .. هاون
اشو بالظيج متمرون بيه
تشج بالضّهر عمده وكلت مادار
والك عمري يدر ويصيح مادار
الزمن دوّار بس أشلون مادار
تدور اوياه واتكشخل عليّه
ليالي الضيم مني هواي يردان
وعكبك كمت اشد اردان بردان
صرت جبنه وعليه عشر يردان
ولا بزون اجه وحامه عليه
امير انته وجلوسك صار تحتاج@
ولون تبعد جميع عضاي تحتاج@
ثنين بكل قضيه شهود تحتاج@
وانه شهودي بهواك اليوم ميه
روحي للرجيه ما ردتها
وانه الدنيا بعنادي ماردتها
الدنيا اقبلت ليه ما ردتها
لان من حيدره ماخذ سجيه
يالوعة الكلب يحمل وياهم
هم الضعن وكليبي وياهم
يحادي النوك خليني وياهم
ولاضلن وحيده بهل مسيه
وهذه في الختام الزنجيل
راسلني احبك كتب والغيري هم راسلة
هيهات اردن الة وماطخ بعد راسلة
ميجوز من الغدر لن بالغدر راسلة
ماشاء كلبي البشر وحدة الكلب شألة
ماشئت كلي اخذ شو هوة اخذ شألة
ذباني فوك الجمر وانة الجنت شألة
جازاني سوء الفعل جي كلبي ماسألة
يسالني دمعك نزل جاوبتة ما سألة
نارك تبخر الدمع ون زلت مو سألة
يقبلك راد الكلب وزعلت ماقبلك
شو غيري باسك غفل وافرحت من قبلك
جم نوبة تغلط بعد ورجع تضن قابلك
هل مرة روح ابتعد لضن اردن بعد
بعد السمة من الارض كلبي وية كلبك بعد
متفاجئ بموقفي وشايف انتة بعد
يل منجل انتة وتحش راح انكلب رحة الك
موديل حبك خلص كافي الكلب رحلك
وياي لضن بعد ما اعتقد راحلك
جم مرة بينتلك مايوم حس بالك
بس انة كلبي انتبة وخر دحس بالك
بس انتة تلعب لعب جاشنهي حسبالك
ماخان كلبي وفي ولهذا يومك خلص
وجي كلبي طيب الحسن من ثاري كلبك خلص
بس جلمة اكلك بعد من كلبي حبك خلص
يل حية حبك بدي ماخلي ابد راسلة
الأحد أغسطس 24, 2008 8:30 pm
