رضيت بشينك وزينك وعابيك
وگلبي ما وعة بغيرك وعة بيك
اشور بيك تدريني واعابيك
عجب وانتة تريد تخون بية
*****************
ألك كل يوم أني أتعنه وصل بيك...
عنادك ويــــن يبنادم وصل بيك...
حبيبي وشايل بجيبي وصل بيك...
وبيك باجر ينطوني هوية
*****************
جروح يصعب علي شلهة
وجور الوكت كل عضاي شلهة
الدنية وياي من غايات شلهة
خذت حيلي وبعد شتريد بية
********************
عيوني من السهر مالت وسالت
وعليه احباب مانشدت وسالت
الف دمعه الجرت مني وسالت
ولا دمعه الجرت منكم عليه
*******************