متواعد ويه الفرح

متواعد ويه الفرح
و الوعد صار سنين
لا مر عليه بحلم
و لا شفته بالعين
يا صوب باب الفرح
دلوني يمعودين
اروح له مشية العرب
ساده و ربع طيبين
و اعتذر من حضرته
لو بدر مني الشين
كالو الي من يا وطن
و السكن مالتك وين
يا غريب شردت
شكلك مثل الفرحانين
روح امشي بحضرتك
رافض الحزنانين
كلت اني سني النسب
و اسكن كاع الحسين
و كل يوم احن للنجف
و للي ما له جفين
بكاعي كثير النخل
و بيها يجري نهرين
اني ابن ذاك الوطن
الي قصته محتاجين
و بعاصمه وطني
بيها زهت قبتين
جنوبي اني و هلي
للضيف متقابلين
خبز امي اسمر حلو
بسمر البصراويين
و بالناصريه الي ربع
و اهلي الطيبين
عمارة اني و هلي
بالغيره معروفين
حلاوي طيب القلب
ما الي وجهين
بارض الرميثه صرت
و شهودي للعشرين
اهل الرمادي اخوتي
و بالكرم موصوفين
و لهجتي لهجه عرب
لهجتي لهجة الكوفيين
سامراء بيها الي
ينشدون امامين
و عاصمه قلبي النجف
و عمها بعدني البين
و للساعه تنشد عليه
و تكولي انت منين
كالو عراقي كلت اي
و الحسن و الحسين
كالو اندار الوقت الك
و اصبحتوا مسمومين
و اهلك الي جانوا قبل
بالخير شبعانين
مسهم العوز و صفوا
يا وسفه جوعانين
موطنك كله صار حزن
ذلوه هواي حاقدين
ناشدتهم وين الفرح
كالولي متاسفين
ممنوع حتى الفرح
صار عن العراقيين

ممنو الفرح صار للعراقيين

و سلام عليكم و رحمه الله و بركاته

تقبلوا تحياتي لجميع
و انشاء الله تعود الفرحه لوجوه العراقيين

يسلمووووووووووووووو موضوع روعه عاشت ايدج

يسلمووو على الردود