[center]حبك سكن بالروح والتف عليها *** ومن بأسمك يصيحون تفقد وعيها
كالولي عوفة اسبوع خل نستفزة***كلت الدقيقة اهواي يا ناس اعزة
لعبة انه بيد هواي ياسامع الصوت *** فهموني شنهو الحل وصلني للموت
خلاني اشوف الليل بعيوني تابوت *** والصبح جن تمثال تلكوني منحوت
عوف الولف ياصاح وبالك تداري ××× لوتنطي ماي العين تشبع بواري.
يا ذهب ما انساك لو تعمى العيون *** شرق وغرب بغداد فدوة الك يرحون
عذبني ذاك البيت من دون البيوت ... لا درج واصعد ليه لارخصه وتفوت
عذبك ذاك البيت كوم اكسر الباب ... واعمل الصعبات لعيون الاحباب
نور ونظر للعين ولكلبي دكات***لو بيدي اودي الروح ماودي كلمات
كل الجروح تهون بس جرح الفراك *** يحمس حمس بالروح من كثر الاشواك
ريت الفرح دوم يبقى النه راية ... و العمر فدوة يروح لعيون ايه
لا أكدر أحجي عليك ولا أكدر أسبك *** بعد الجرى والصار لا تكولي أحبك
من كلشي اغار عليك ويغثني كلشي***كسر بجمع ماريد وي غيري تمشي
صبري وصبر ايوب ما ظن سويه *** لو يدري بيه ايوب يلطم عليه
احنه الكرم والجود واهل البطوله *** ويبقه العراقي بزود يمشي عله طوله
عفت الصلاه والصوم ما گمت اصلي *** للجنه ما محتاج من بعد خلي
ليش الفرح لحظات والهم ليالي *** هو الفرح ممنوع لو سعره غالي
ليش انت هيجي وياي تجرحني دومك *** تدريني احبك حيل من خرب يومك
القلب لو ينساك للسوك اجيبه *** واكتب عليه للبيع خاين حبيبه
ليل الشتا يهواي اثنعش واثنين ... كضيته بالحسرات وبدمعه العين
انهجم بيته النام واغمضت عينه ... ساعه على ساعه ايزيد نوحه ونينه
لاتظن عيني اتنام واطبك جفنها ... مثل التنكط الماي لوحيد ابنها
الإثنين أبريل 27, 2009 10:10 am